" के मैथिल " ?
जहानक परम सत्य
जेकरा अंग्रेजिया युनिभर्सल ट्रुथ कहि छथि
" सूरज पूवमे उगैछ " !
जों बेर - बेर आदित्यसँ पूछल जाए
तं की हएत......?
ओहो भ जेताह भक
की देखबाए चाहै छथि
संसारक लोक......
किहम कर्तव्य पथस विमुख छि ?
प्रत्याक्ष्कें प्रमाण की ?
किअए देतीह वैदेही बेर-बेर अग्नि परिक्षा !
दशानन जों सियासं
करितथि सम्पर्कक प्रयास
भाष्मिभुत हएब निश्चित छल
भगवानोकें बूझाल छलनि
तखन रघुबर किअए लेलनी
सीताक अग्नि परिक्षा ?
मिथिलाक बेटी कते गेलीह .......
दोख ककर ?
राजधर्म वा कर्तव्यबोध
भरिगर पड़ल लोकक अविश्वास
ओकरे आँखिमे नोर नै .....
तै दूर नै भगाऊ
जों मिथिलाकें बचेबाक इच्छा रखै छि
बेर-बेर किअए कहै छि
" हमहूँ मैथिल "
कखनों तं अपन मौनसँ पूछू
" आहाँ मैथिल , आकि हम मैथिल "
फूलबाबूकें भेट्लानी पुरुस्कार
वयानक धेने हथियार
मुदा, हुनक नेना-भुटका
मैथिली सँ अनभुआर ......
फूलबा मैथिलिक नै अछि साहित्यकार
मुदा हाथ में भाषाक पतवार
धेने घुमी रहल अपन खेत- पतवार
डोंका- कांकोर बीछ ओ
भैटक लाबा चिबा क5
उफनैत सोनित जरा रहल अछि
मिथिला में बैसल
मुदा ,
प्रश्न रहिये गेल
" के मैथिल "
राजेश कुमार ठाकुर हम छि मिथिलावासी
